يزيد . نت

الخبر نشر في شهر يونيو عام “2007 ” مفاده ان د عادل عاشور –  أستاذ طب الأطفال والوراثة بالمركز القومي للبحوث – يرغب بانشاء جمعية لمنع القبلات ، وصلني اليوم على هيئة بريد الكتروني  من انسانة عزيزه مرفق بردات فعل سطرها القراء ، بعضها لا يخلو من حس نكته عالي وسرعة بديهة ، قبل ان انقل التعليقات التي كتبت ابدأ بالخبركما وصلني  :

• الخبر: في تقليعة جديدة لا يعرف أحد الهدف منها أعلن دكتور عادل عاشور أستاذ طب الأطفال بكلية الطب جامعة القاهرة عن رغبته في انشاء جمعية لمنع القبلات بين الأصدقاء و زاد على ذلك بإعلان رغبته في منع القبلات بين الأزواج و هو الأمر الذي بدا غريبا وفجر المناقشات داخل المجتمع المصري و عن السبب الرئيسي في طرحه فكرة إنشاء الجمعية أكد دكتور عادل أن كافة الأبحاث العلمية التي نشرت في كبرى المجلات الطبية العالمية أجمعت على الأضرار الطبية الخطيرة التي يسببها تبادل القبلات من خلال انتشار العدوى من الأمراض الخطيرة الفيروسية و الميكروبية وأبرزها الأمراض الجلدية و يأتى على رأسها حب الشباب و من الأمراض الميكروبية مثل مجموعة الميكروبات العنقودية و هي ميكروبات موجودة في فم الإنسان بصورة طبيعية كذلك الحمى الشوكية و الأمراض الفيروسية التي تنقلها القبلة أيضا مثل الزكام و الرشح والتي يجب عدم الاستهانة بها حيث قد تصيب الخلايا المبطنة لخلايا ا لمخ و ينتج عنها ارتفاع شديد في درجة الحرارة يصعب السيطرة عليها و قد تؤدى الى الوفاة في بعض الأحيان أيضا التهاب الغدة النكفية و كذلك الحصبة الرمادية و الألمانية و الفيروسات الكبدية و أكد أن الجمعية تضم في عضويتها كافة التخصصات الطبية لشرح الآثار السيئة للقبلة وعن رأى الدين في أهداف هذه الجمعية أكد الدكتور إسماعيل معروف بجامعة الأزهر أن تعاليم الدين الأسلامى تحرم القبلة في غير الإطار الزوجي وقد أكد العلم على وجود إضرار جسيمة لذلك وعن أراء المواطنين حول هذة الجمعية المزمع إنشاءها تنوعت الآراء بين الرفض و القبول هدى محمد طالبة بكلية الاعلام وصفت الإعلان عن الجمعية بأنه كوميدي و لا يهدف سوى الى لفت النظر الى القائمين عليها إذ افتقد الإعلان عن منع القبلات الأساليب التي سوف تتبع للتأكد من حدوث هذا المنع .التعليقات :
• وانا اقول الرئيس البوسني مات ليه؟؟
• واحد يحرم البوسة بين الأزواج ، وواحد يحلل إن الواحدة ترضّع زميلها ، ما ترسونا على بر نرضع وما نبوسش ولا نبوس وما نرضعش ؟
• روح شوف العيش المسرطن ولا الشيبس ولاالمياه المجارى ولا الخضروات المسرطنه والهرمونات ولالالالالا وبعدين اتكلم على البوس يا دختور
• ده يستاهل 80مليون بوسه من 80 مليون بوووؤ عشان تجيله كل الامراض اللى ف الدنيا
• نحن جمعية هنبوس هنبوس حتى لو البوس بفلوس
• الحياة من غير بوس زي قلّة من غير ميّة
• مش عارف اقول أيه مش كفاية مش لاقين نتجوز كمان اللى مجوزين مش حايبوسوا ؟ طب ده نسميه أيه ؟؟؟؟؟؟؟؟؟؟؟؟
• اليوم تقليعة البوس ينقل الامراض الجلدية وبكرة لاتلمس جسد زوجتك لمنع انتشار الامراض الجلدية وبعد غدا يستحسن ابادة صنف النساء انكم تسعون لتحريم الحلال(واضح ان البوس عامل مشكلة للدكتور) اقولك حاجة اعمل زي اللمبي بلغ لجنة حروق الانسان
• طيب ولما رغيف العيش يقع على الارض اجيبه وابوسه ولا غلط يا حلاوة على العلم واللي بيتعلموه واحب اقول لسعادة الدكتورة الفاضل ادرسلك حاجة تنفعك احسن وسيب الناس تبوس ياعم وبلاش وساوس.
• انا عايزه اطمن الدكتور ده واقوله انه ولله الحمد معظم الازواج فى مصر مابيبسوش بعض اصلا !! بوس ايه يا عم بلاش قلة ادب ، هوه احنا بنتجوز وندفع دم قلبنا ولاد وبنات علشان نبوس !! ايه المسخره ديه !!!
• يعنى لو واحدة اسمها بوسي تغيره ويبقى متبوسيش بس كدة اتحلت خلاص مع تحيات شركه متبوسيشي لانسر يا عم بوس اية اللى عايز تمنعه؟؟
• دة الواحد بيبقى لسة سايب صاحبه من ربع ساعة يشوفه يقوم نازل فيه بوس.. بوس أخوي طبعا.. وكمان عايز تمنعه بين الازواج…لا ده كدة الواحد يلحق يتجوز قبل ميبقى قرار ويتناقش فى مجلس الشغب
• يعني بوس الواوا بح ؟!!؟
• على رأي الفنان محمد رضا: مش هنبوس بقى !؟
• ممكن كل واحد قبل ما يبوس البت بتاعته يتمضمض بمحلول ‘ البيتادين’ ويدهن شفايفه بردو بمحلول ‘ البيتادين’ وبعد ميخلص البوسه يتف تلات مرات ويشرب كباية ….أكيد ‘ بيتادين’… ربنا يشفيكم .

اضافة اخيره  :

+ هذا الرجل ذو البدله السوداء هو الدكتور عادل عاشور ( مصدر الصورة هذا الرابط )  .

+  بعض الاخبار اوردت انه فكر في منع الازواج من التقبيل لكن  استثنى الازواج من المنع الا من كان مريضا ( زكام وما شابه )  .

موضوعات عن الخبر او حوله   :

BBC ،   العربية ، منتدى  Egy Medicine ، الشرق الاوسط ،  ( كلنا في القبلات عرب ) لـ محمد صادق دياب ، ( قبلات السياسين بين العادات والفضائح والمصالح ) لـ محمد ابو زيد .

~ بواسطة يزيد في نوفمبر 24, 2008.

أرسلت فى 2000, العالم, روابط
الوسوم: 2007, قبله, قبلات, ممنوع, منع, مصر, العالم, العربي, بوسه, بريد, جمعيه, دكتور, رؤساء, شفاه