يزيد . نت

عارف ساعات ، لما تلاقيهم قربوا فتخاف تقرب !
فيزيدوا قرب .. و مشاعرك يستغربوا فتقول نجرب
و يتقلب القرب حب .. فيبعدوا
فتخاف تعاتب و إن عاتبت .. يعندوا
و إن سكت .. العيب عليك !
فتقول في نفسك ..
بكره يجي حد تاني يحس بيك ..

عارف ساعات ..
تبقي مش عارف تفرق
بين الكلام و بين السكات
فتختار تبوح ..
و سط الكلام .. صوتك يروح
فعنيك تدمع ..
و الدموع تشيل الكلام ..
و تبقى خايف .. حد يسمع
فتمسحها بمنديل أوام ..
و تقول في نفسك إيه اللي فيها
بكره نفسك حد يجي يحس بيها

عارف ساعات ..
بتبقى وحدك .. وسط لمه
بتبقى وحدك .. وسط ناس
يمكن عشان في الناس دي ناس
كانوا معاك .. لكن خلاص  ..
فتبقى كاره  وحدتك ..
و كاره القعده و سطيهم ..
لا تبقى عارف تعيش وحدك ..
و لا حتى عارف تعيش ليهم ..
و لما تتعب من التفكير ..
بتقول كلام .. أتقال كتير ..
بكره يجي حد ليا و يبقى عندي غير الغير

عارف ساعات ..
لو ع الساعات فكتير أوي ..
و لو ع النتيجه فواحدة بس ..
النتيجه بتبقى بكره ..
حد يفهم .. أو يحس …

من كلمات روان صقر / اداء زينة قطري .

~ بواسطة يزيد في جانفي 5, 2015.

أرسلت فى 2010, موسيقى, المكتبه, روابط
الوسوم: فيمتو, قديم, قطري, لهجه, مصمك, مصر, مصري, السعوديه, بسيطه, روان, زينه, شعر, صقر, عام, عارف