اللي بيحصل ده ايه!؟

الشمس طالعة فوق
والليل عالأرض ليه
أسوار مالهاش بيبان
والبحر فاضي ليه
طلع المطر لفوق
وخلاص ما نزلش تاني
الخوف في كل عين
اللي بيحصل ده إيه
هو المكان ده فين؟
ولا اسمه إيه؟
إسمه الحياة.. إزاي؟
أنا أشك فيه
هي الحياة أمال مش عايشة ليه؟
مش حلم ده واقع مجنون
مجنــــــون.. مجنـــــون
جوايا البرد ليه؟
ده الجو حر موت
رغم الزحام ده ليه
مش بسمع أي صوت؟
بيقولوا الوقت فات
إزاي ده ما حدش حس
بيقولوا خلاص أهو فات
والساعة بتمشي العكس
الكل خايف
ولا حد عارف
ولا حد شايف
الجاي ده إيه
وانا مهما كان اللي جاي أصعب
حاعيش وحأقدر عليه

 

~ بواسطة يزيد في مارس 25, 2020.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة Akismet للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.

 
%d مدونون معجبون بهذه: